მუზეუმების საერთაშორისო დღე და მუზეუმების კვირეული 2025

ოთხწლიანი სრული რეაბილიტაციის შემდეგ აბრეშუმის მუზეუმი 2025 წლის მუზეუმების საერთასორისო დღესა და კვირეულს განსაკუთრებული სიხარულით უერთდება.
მუზეუმის გუნდთან და სტაჟიორებთან ერთად დაგიგეგმა საინტერესო აქტივობები და სემინარები.

პროგრამა:

18 მაისი – მუზეუმების საერთაშორისო დღე

ირმა შარიქაძის დროებითი გამოფენა: ნაქარგი ხებერი
აჭარელ ქალთა მემკვიდრეობა მითსა და თანამედროვეობას შორის.

17:00–21:00 | გამოფენის გახსნის პერფორმანსი: 17:00

გამოფენა ხელოვან ირმა შარიქაძესთან თანამშრომლობით აჭარელი ქალების კულტურულ მემკვიდრეობას მულტიმედიურად წარმოადგენს. „ხებერი“ (აჭარულ დიალექტზე — ამბავი) იქცევა არქეტიპული მითისა და თანამედროვეობის მაკავშირებლად. გამოფენაზე წარმოდგენილია აჭარული ნაქარგობის კოლექცია, ახალი კერამიკული ობიექტები, ირმა შარიქაძის ფოტო ნამუშევრები 2019-2022 წლის ექსპედიციებიდან, ფილმი “აჭარული მზითვის ფერი” და Irma De Flore-ის ინსტალაცია.

22 მაისი – ბიომრავალფეროვნების დღე

• 17:00-21:00

სემინარები და ინტერაქტიული პროგრამა ბუნებისმეტყველებისა და მდგრადობის შესახებ
წარმდგენები: ენტომოლოგი სოფიო ინჯია (საქართველო, აბრეშუმის სახელმწიფო მუზეუმი) და მოწვეული სპეციალისტი, გარემოსდაცვითი განათლების ექსპერტი კაო კაიამა (იაპონია).

17:00-17:45 – არის თუ არა ადამიანური ჩარევა ბუნებაში “უარყოფითი“? – კაო კაიამა (სამუშაო ენა: ინგლისური)

18:00-18:30 – ფერებისა და ფორმების ბუნებრივი სელექცია – რას გვიყვება მუზეუმის პეპლების კოლექცია: სოფიო ინჯია (სამუშაო ენა: ქართული)

18:30 - 19:00 - ინტერაქტიული აქტივობა: მუზეუმის კოლექციაში შერჩეული პეპლების ნიმუშებზე მიკროსკოპული დაკვირვება (გვანცა ფოცხიშვილი კედლის მხატვრობის კონსერვაციის სპეციალისტი, კოლექციების რესტავრატორი, ბიოლოგი ვალერი პეტროვი

19:00-19:30 – რა არის ნამდვილად ეკო-მეგობრული და მდგრადი? კაო კაიამა.

19:30-20:00 ხმოვანი კომპოზიცია: ეკო ხმის კოლაჟი
პლატფორმა თან_ხმოვანის ინიციატივითა და ხელოვან ნინო დავაძესთან თანამშრომლობით ეკო ხმოვანი კოლაჟის პრეზენტაცია.

24 მაისი – კვლევითი პრეზენტაციები

• 15:00-18:00

15:00-15:45 – საჯარო შეხვედრა ახალგაზრდა მკვლევარ და ხელოვნებათმცოდნე ანასტასია კალანდაძესთან, პროექტი “ავგავანის” პრეზენტაცია მუზეუმთან დაკავშირებული ცოდნის გაზიარების ახალ მეთოდებსა და ინიციატივებზე

16:00-16:45 – პრეზენტაცია: ვირტუალური რუკა - თბილისის აბრეშუმის გზა | ჰორიზონტი ევროპის პროექტის ARACNE-ს ფარგლებში.

პროექტი თბილისის თემატურ ვირტუალ რუკას წარმოადგენს, რომელიც აბრეშუმის ისტორიულ და თანამედროვე მარშრუტებს აერთიანებს. პროექტის ტექნიკური მხარდაჭერა - Sakartvelo 360