სხვა სახე

ლევან მანჯავიძის გამოფენა-აქცია „სხვა სახე” წარმოადგენდა ექსპერიმენტულ ინიციატივას სამუზეუმო ცხოვრების გარდამავალ ფაზაში (მუზეუმის რეაბილიტაციის წინა პერიოდში). ფერწერული ნამუშევრების სერია “სახეები” ხელოვანის ყოველდღიური, გარემომცველი რეალობიდან ტილოზე აღბეჭდილ “პერსონა-სუბიექტებად” წარმოგვიდგებოდნენ. ყოველდღიურობის დინებაში შეუმჩნეველი, მაგრამ ავტორისთვის კარგად ნაცნობი სახეები უწყვეტი დაკვირვების ობიექტები გახდნენ. ნამუშევრებში არეკლილი ადამიანური განცდების – შიშების, თამაშის, წარმოსახვის ურთიერთგაცვლა მაყურებელს, ხელოვანსა და სივრცეს შორის უწყვეტი შემოქმედებითი კავშირის წინაპირობად ჩამოყალიბდა.

მონაწილე: ლევან მანჯავიძე

კურატორი: მარიამ შერგელაშვილი

გამოფენას წინ უძღოდა მხატვრის  რეზიდენცია  მუზეუმში.