ძალაუფლების ტაქსონომიები: ფოტო ამბები აბრეშუმის სახელმწიფო მუზეუმიდან

გამოფენა

21.03.24 - 07.06.24

ორშ.: closed
სამ.: 11:00 - 18:00
ოთხ.: 11:00 - 18:00
ხუთ.: 11:00 - 18:00
პარ.: 11:00 - 18:00
შაბ.: 11:00 - 18:00
კვ.: closed

გამოფენაზე წარმოდგენილი იყო აბრეშუმის სახელმწიფო მუზეუმის 47 ფოტო ასლი მინის ნეგატივების კოლექციიდან, რომელიც აბრეშუმის ჭიის სასიცოცხლო ციკლს ასახავს. აღნიშნული საარქივო მასალა თემატურად კონტექსტუალიზებული იყო ქართველი ხელოვანის - ანდრო ერაძის ფილმთან “მტვერში გაზრდილი.”

გამოფენის პარალელურად წარმოდგენილი იყო კურატორთა რედაქტორობით შექმნილი პუბლიკაცია (დიზაინერი - Geoff Kaplan/General Working Group) აბრეშუმის მუზეუმის ისტორიისა და მისი ფოტოკოლექციის შესახებ.

17 მაისს, გამოფენის მიმდინარეობის პარალელურად გაიმართა საუბრები დათა ჭიღოლაშვილთან (აბრეშუმის სახელმწიფო მუზეუმის ყოფილი კურატორი), ხოლო 4 ივნისს - ონლაინ შეხვედრა "ძალაუფლების ტაქსონომიები: საუბარი აბრეშუმის სახელმწიფო მუზეუმზე". შეხვედრის ფარგლებში ნინა ახვლედიანმა, ალიანა კლერ ფელდმანმა, ოლაფ ნიკოლაიმ და მარიამ შერგელაშვილმა ისაუბრეს ნიუ-იორკში გამართულ გამოფენაზე, მუზეუმის ფოტოგრაფიულ მემკვიდრეობაზე, სამომავლო გეგმებზე. შეხვედრა ნიუ იორკის გოეთეს ინსტიტუტთან თანამშრომლობით განხორციელდა.

გამოფენის თანაკურატორები: ალაინა კლერ ფელდმანი (მიშკინის გალერეის დირექტორი და კურატორი), მარიამ შერგელაშვილი (აბრეშუმის სახელმწიფო მუზეუმის გამოფენების კურატორი).

ლოკაცია: მიშკინის გალერეა, ნიუ-იორკი, აშშ

მხარდამჭერები: CEC ArtsLink, the Weissman School of Arts and Sciences at Baruch College (CUNY), Dr. Konstantin Frank Winery.