ღამე მუზეუმში

კულტურისა და ძეგლთა დაცვის სამინისტროს ინიციატივით, მუზეუმების კვირეულის ფარგლებში შედგა პროექტი ღამე მუზეუმში "#მოდიღამემუზეუმში". პროგრამა მოიცავდა რამდენიმე ღონისძიებას:

1. "დატოვე შენი ხმა". აბრეშუმის მუზეუმმა მოამზადა ტექსტი აბრეშუმის გზაზე მოგზაურობის შესახებ, რომელიც ითარგმნა მუზეუმის ბიბლიოთეკაში დაცული წიგნების ენებზე: ინგლისური, რუსული, გერმანული, ფრანგული, იტალიური, ბერძნული, ჩინური, იაპონური. პროექტში მონაწილეებს შეეძლოთ წაეკითხათ, მოესმინა და თავად ჩაეწერათ ფრაზა იმ ენაზე, რომელსაც თავად აირჩევდნენ. 
2. სპეციალური ტური მუზეუმში "მიყევი სინათლეს", როცა მუზეუმის თანამშრომლები ფანრის მეშვეობით ათვალიერებინებდნენ სტუმრებს მუზეუმს.
3. გაცოცხლებული ფოტო გამოფენიდან "ქალი აბრეშუმით XXI". 
4. პოეტური პერფორმანსი "ვზივარ და გიქსოვ". მონაწილეობდნენ: ეკა კვიციანი, ნინია სადღობელაშვილი, ნათია როსტიაშვილი და მარიტა სახლთხუციშვილი.