ჰორიზონტი ევროპის ARACNE პროექტის ფარგლებში შექმნილი პუბლიკაციები

ჰორიზონტი ევროპის ARACNE პროექტის ფარგლებში აბრეშუმის სახელმწიფო მუზეუმმა ითანამშრომლა ქართველ ისტორიკოსებთან, რის შედეგადაც შეიქმნა ორი ახალი სამეცნიერო პუბლიკაცია. ნაშრომები იკვლევს კავკასიაში მეაბრეშუმეობის ისტორიულ განვითარებასა და საქართველოს როლს ტრანსევრაზიულ სავაჭრო ქსელებში.

ახალი პუბლიკაციები — ემილ ავდალიანის „კავკასიის მეაბრეშუმეობის სადგური: დაარსების ისტორია და მნიშვნელობა“ და ბესიკ ლორთქიფანიძისა და ნიკოლოზ მურღულიას „აბრეშუმის გზა საქართველოში“ — მნიშვნელოვანი კონტრიბუციაა რეგიონის ისტორიული, სამეცნიერო და კულტურული ისტორიის მიმდინარე კვლევებში.

ემილ ავდალიანის ისტორიული კვლევა „კავკასიის მეაბრეშუმეობის სადგური: დაარსების ისტორია და მნიშვნელობამნიშვნელობა“ წარმოადგენს დეტალურ აღწერას კავკასიის მეაბრეშუმეობის სადგურის დაარსების შესახებ მე-19 საუკუნის ბოლოს. საარქივო მასალებზე დაყრდნობით, იგი ასახავს ინსტიტუციურ მექანიზმებს, რომლებიც შეიქმნა აბრეშუმის წარმოების მხარდასაჭერად და მეაბრეშუმეობისადმი სამეცნიერო მიდგომების დასანერგად მთელ რეგიონში. პუბლიკაცია იკვლევს, თუ როგორ ფუნქციონირებდა სადგური, როგორც კვლევითი და საგანმანათლებლო ცენტრი და როგორ განაპირობებდა მისი საქმიანობა მეაბრეშუმეობის პრაქტიკას საქართველოსა და მეზობელ ტერიტორიებზე.

ისტორიკოსების ბესიკ ლორთქიფანიძისა და ნიკოლოზ მურღულიას ერთობლივი ნაშრომი „აბრეშუმის გზა საქართველოში“ იკვლევს საქართველოს ისტორიულ კავშირებს დიდ აბრეშუმის გზასთან. ისტორიულ და არქეოლოგიურ წყაროებზე დაყრდნობით, ავტორები აანალიზებენ მარშრუტებს, სავაჭრო გაცვლა-გამოცვლასა და კულტურულ გავლენებს, რომლებიც აკავშირებდა საქართველოს მიწებს უფრო ფართო ტრანსკონტინენტურ ქსელებთან. პუბლიკაცია მიმოიხილავს საქართველოს პოზიციას ამ სისტემებში და წარმოადგენს მისი როლის თანამედროვე გადააზრებას დიდი აბრეშუმის გზის კონტექსტში.

ორივე ნაშრომი ხელმისაწვდომია ქართულ და ინგლისურ ენებზე, რაც აფართოებს წვდომას მკვლევრებისა და ფართო აუდიტორიისთვის. პუბლიკაციები ასახავს აბრეშუმის სახელმწიფო მუზეუმის მუდმივ ჩართულობას აბრეშუმის მემკვიდრეობის, რეგიონის ისტორიის, ცოდნისა და მატერიალური კულტურის გაზიარების ინტერდისციპლინური კვლევის პროცესში.